کیف ،26؍فروری(ایس او نیوز؍ایجنسی)یوکرین کے صدر ولادیمیر زیلنسکی نے کہا ہے کہ روسی افواج ان کے ملک کے دارالحکومت کیف پہنچ گئی ہیں - بتادیں کہ گزشتہ چند گھنٹوں سے روسی فوج کیف کی جانب مسلسل پیش قدمی جاری تھی اور شہر کے کئی علاقوں میں بم دھماکے بھی ہو رہے تھے- لیکن اب جب کہ یوکرین کے صدر نے خود تسلیم کیا ہے کہ روسی افواج دارالحکومت کیف میں پہنچ چکی ہیں، تو سمجھ لینا چاہیے کہ لڑائی یوکرین کے ہاتھ سے نکل رہی ہے اور روس کا پلڑا بھاری ہے- امریکی وزیر خارجہ اینٹونی جے بلنکن نے ایک انٹرویو میں کہا ہے کہ روسی صدر ولادیمیر پوتن یوکرین کی حکومت کو گرانے کی کوشش کر رہے ہیں اور ایسا لگتا ہے کہ روس بھی ایسا ہی کرے گا-دوسری جانب ولادیمیر پیوتن کے خلاف دنیا کے کئی ممالک میں مظاہرے کیے جارہے ہیں اور انہیں سزا دینے کا مطالبہ کیا جا رہا ہے- مظاہرین مطالبہ کر رہے ہیں کہ روس کو معاشی طور پر مکمل طور پر تنہا کر دیا جائے- اس طرح کے مظاہرے لندن، بیروت، لاس اینجلس، ماسکو، ٹوکیو، یروشلم وغیرہ شہروں میں ہو چکے ہیں -کیف پر فضائی حملے کی وارننگ جاری کر دی گئی ہے اور لوگوں سے کہا گیا ہے کہ وہ فرار ہونے کیلئے فوری طور پر کسی پناہ گاہ میں چلے جائیں - اس سے ظاہر ہوتا ہے کہ صورتحال یقینی طور پر ابتر ہو گئی ہے- یوکرین کے صدر نے لوگوں سے کہا ہے کہ وہ چوکس رہیں اور کرفیو کے اصولوں پر عمل کریں -جنگ کے دوران لوگ مسلسل یوکرین سے فرار ہو کر قریبی ممالک، پولینڈ وغیرہ میں پناہ لے رہے ہیں اور لوگوں کی بڑی تعداد میٹرو اسٹیشنوں، بنکروں وغیرہ میں چھپی ہوئی ہے- اس سے ظاہر ہوتا ہے کہ لوگ شدید خوف میں مبتلا ہیں -دوسری جانب امریکی صدر جو بائیڈن نے روس پر مزید کچھ پابندیاں عائد کر دی ہیں اور انہوں نے روسی حملے کے حوالے سے جی سیون ممالک کے رہنماؤں سے بھی بات کی ہے-

رکن پارلیمنٹ نے روس کے خلاف ہتھیار اٹھا لیے: مختلف سمتوں سے روسی حملوں کا سامنا کرنے والے یوکرین کے ایک رکن پارلیمنٹ نے جمعہ کو اپنے ملک کے دفاع کیلئے ہتھیار اٹھانے کا عہد کیا-آج بی بی سی ریڈیو4کے ساتھ ایک انٹرویو میں ایم پی سویاتوسلاو یورش نے کہا کہ اس ملک کے لوگ روس کی پیش قدمی کو روکنے کیلئے مسلح ہیں اور ان کا سامنا کرنے کیلئے اپنیAK-47لینے کیلئے تیار ہیں -انٹرویو میں یورش نے کہاکہ ہم روسی فوج کا مقابلہ کرنے کیلئے اپنے شہریوں کو ہر ممکن طریقے سے مسلح کر رہے ہیں - یوکرین 40ملین آبادی کی آبادی والا ملک ہے اور جب روسی فوج ہماری سرحد میں داخل ہوتی ہے تو ہم بغیر احتجاج کیے کچھ برا ہونے کے خوف سے بس یوں ہی تماشائی بنے نہیں رہ سکتے - ہمارے پاس جو کچھ ہے اس سے ہم لڑیں گے - یہ جنگ یوکرین پر قبضہ کرنے اور اسے تباہ کرنے کیلئے چھیڑی گئی ہے اور یوکرینی شہری جو اس وقت اپنے وطن کیلئے لڑنا چاہتے ہیں، انہیں اب ایسا کرنے کا موقع دیا جائے گا- جب یورش سے پوچھا گیا کہ اگر یوکرین کی فوج روسی حملے کے خلاف پسپائی اختیار کرتی ہے تو انہوں نے کہا کہ وہ اپنے ذاتی اے کے47سے ان کا مقابلہ کریں گے -

کیف کا محاصرہ:صدر ولادیمیر زیلنسکی نے یوکرین پر روسی فوج کے حملے کے دوسرے دن جمعہ کو دارالحکومت کیف میں کئی حملوں کے بعد روس سے فوری جنگ بندی کا مطالبہ کیا ہے -بی بی سی نے یوکرائنی حکام کے حوالے سے بتایا کہ روسی افواج نے دارالحکومت پر کئی میزائل داغے - اس بڑے حملے میں کم از کم ایک عمارت کو نقصان پہنچا اور میڈیا رپورٹس کے مطابق حملے میں تین افراد زخمی ہوئے -زیلنسکی کی جانب سے ملک کو دیے گئے پیغام میں روس سے جنگ بندی کی اپیل کی گئی ہے - انہوں نے مغربی ممالک پر بھی زور دیا ہے کہ وہ روسی حملے کو روکنے کیلئے مزید اقدامات کریں -بی بی سی نے کیف میں صبح4بجے کے حملوں کی تصدیق کرتے ہوئے کہا کہ دھماکے پوزیانکی کے علاقے میں اس وقت ہوئے جب روسی افواج کیف کی طرف پیش قدمی کر رہی تھیں - بی بی سی کے رپورٹر نے ٹویٹ کیاکہ‘کیف میں دو چھوٹے دھماکوں کی آوازیں سنی گئیں -